No. of :

No. of Shares:

Currently viewed by: Marcus Rosit

  1. Home
  2. News
  3. Mga nagdaeaog sa Kalibo Sadsad Ati-Atihan nagbaton it mas mabahoe nga premyo

Mga nagdaeaog sa Kalibo Sadsad Ati-Atihan nagbaton it mas mabahoe nga premyo

Write a comment

Delete

KALIBO, Aklan (PIA) --  Nagbaton it mas mabahoe nga balor it premyo ro mga nagdaeaog sa sari-saring kategorya it contest sa rayang dag-on it Kalibo Sto. Niño Ati-Atihan Festival kumpara sa ginpanao ku nagtaliwan nga mga dinag-on.

Sa pinakaunang kahigayunan halin sa pag-umpisa it Kalibo Ati-atihan Festival, ro sa makaron nga dag-on nga nag kampyon sa Tribal Group Big Category nga Vikings Tribe hay nagbaton it P1 million nga premyo sa pagpirdi kara sa pito pa nga mga tribu nga nag-entra man sa nasambit nga kategorya.

Una kara hay nagtigana it P350,000.00 para sa primerong pwesto sa kategorya ngara ro gobyerno lokal it Kalibo, pero gindugangan ra it P650,000.00 ni Mayor Juris Sucro halin sa anang personal nga kwarta agud mangin sang milyon ro premyo.

Delete

Ro iba pang nagdaeaog sa nasambit nga kategorya hay ro Black Beauty Boys nga nagdaog sa ikaywang pwesto (2nd) ag nagbaton it premyo nga P300,000.00; Maharlika, pangatlo (3rd), P170,000.00; Tribu Linabuanon, pangap-at (4th), P70,000.00; Pride of Libtong, panglima (5th), P60,000.00; Tribu Alibangbang, pangan-um (6th), P50,000.00; Pangawasan Tribe, pangpito (7th), 40,000.00; ag Tribu Tiis-Tiis, pangwaeo (8th), P30,000.00.

May mga "special awards" man nga gin-tao sa mga nag-entra nga grupo sa rayang kategorya kon siin ro Vikings ro naghakot it Best in Kalibo Ati-Atihan Costume, Best in Beats and Sounds, ag Most Disciplined Ati-Atihan Group.

Samtang, ro Black Beauty Boys ro nagbaton it award bilang Best in Kalibo Ati-Atihan Streetdancing.

EditDelete
Ro Tribu Linabuanon it Linabuan Norte, Kalibo, Aklan hay sambilog sa nag-entra nga grupo sa Tribal Big Group Category sa ginhiwat nga Kalibo Sadsad Contest it Kalibo Sto. Niño Ati-Atihan Festival 2023 ag nakabuoe man it ikap-at nga pwesto.
Delete

Kada special award hay may premyo nga P5,000.00.

Ro Vikings Tribe nga halin sa Makato hay imaw man ro nagkampyon ku 2020 Kalibo Ati-Atihan Contest sa kaparehong kategorya.

Ro pila pang mga contest sa makaron nga dag-on nga Ati-Atihan Festival sa Kalibo hay ro Tribal Group Small Category, Modern Tribal Group, ag Balik Ati Group nga may gintaeana man nga mga premyo ag specia awards.

May kabilugan nga 34 nga mga tribu ro ha rehistro nga nag-entra sa 2023 Kalibo Ati-Atihan Contest. (JBG/VGV/PIA6 Aklan)

About the Author

Venus Villanueva

Writer

Region 6

Related News

Feedback / Comment

Get in touch