KALIBO, Aklan (PIA) -- Si “Toto Kalamay” it munisipalidad it Ibajay ro gindeklara nga kampeon sa harang dag-on nga Higante Contest, nga ginakonsiderar nga isa sa mga  highlight nga mga aktibidad sang dominggo nga selebrasyon it Kalibo Ati-atihan Festival 2023.

Si Ati Higante “Toto Kalamay” nakabuoe it kabilugan nga puntos nga 483, nga kung siin napirde nana ro 10 nga mga higante nga nag-intra sa paindis-indis halin sa nagkaea-in ea-in nga munisipyo it banwa. 

Ro mga banwa it Banga (Datu Manduyog), Batan (Ati sa Batan), Kalibo (Queen Maniwangtiwang),  Makato (Mystic Makato),  Malinao (Maanyag nga Ati),  ag Nabas (Maria Nava) nakabuoe it P60,000 kada isaea bilang consolation prize. 

Suno sa Provincial Tourism Office, ro tema sa harang dag-on nga Higante contest hay “Tribal Ati” nga nagapakita it mabagsik  nga disenyo ag malikhaon nga mga paeamuti nga nagakaangay sa makolur nga costume it mga tribu nga grupo it Kalibo Santo Niño Ati-atihan Festival.

Ro mga Higante hay ginhusgahan base sa anda nga creativity ag originality, artistry, audience impact ag appeal, ag relevance sa tema

Kaibahan sa Higante Contest hay ro pagparada it mga empleyado it mga nagkaea-in ea-in nga mga LGU it probinsya.

Ro nasambit nga aktibidad hay ginsponsoran it Provincial Government it Aklan paagi sa Aklan Provincial Tourism Office sa kooperasyon it 17 ka mga munisipyo sa probinsya. (AAL/SQP/PIA-Aklan)