TAGBILARAN CITY, Bohol, Jan. 24 (PIA) -- Gipasalig ni Presidente Ferdinand R. Marcos Jr. sa publiko niadtong Lunes nga ang kwarta nga ipuhonan sa gisugyot nga Maharlika Fund maprotektahan ug magamit lamang sa labing espesipiko ug gikinahanglang proyekto.

Sa usa ka pakighinabi sa media niadtong Lunes, gipapas ni Presidente Marcos ang mga kahadlok sa posible nga money laundering, nga nag-ingon nga samtang ang pribado nga salapi maapil sa pondo, dili kini usa ka savings account diin ang mga tawo maghulog sa ilang kwarta diin kini ipabilin.

Gipasabot sa pangulo nga ang multi-billion peso nga Maharlika Fund magsilbing seed money sa sovereign fund.

“Now, whenever we come into partnership, we do a G2G (Government-to-Government) with Japan, for example, or we do a PPP (public-private partnership) with some big outfit, then that is only the time that the money has come into the fund to be used for the program, 

"Karon, kung mag-partner mi, maghimo mi og G2G (Government-to-Government) sa Japan, pananglitan, o maghimo mi og PPP (public-private partnership) nga dunay dagkong outfit, unya kana lang ang panahon nga ang kwarta nisulod sa pundo para gamiton sa programa,” pagtumbok pa ni Marcos.

Gitubag usab sa Presidente ang mga komento sa pipila ka mga magbabalaod bahin sa paggamit sa salapi nga gikan sa government-owned and controlled corporations (GOCCs) alang sa sovereign fund, nga nag-ingon nga kini wala gitugot ubos sa balaod.

Niuyon niini ang Presidente ug matud pa niya, dili magamit ang mga pundo sa GOCC tungod kay kwarta kini sa gobyerno.

Matud pa ni Marcos nga ang matag GOCC adunay kaugalingon nga charter, ug kinahanglan nga usbon sa gobyerno ang tanan nga mga charter aron ipahiangay kini sa Maharlika Fund, ingon nga dili kini katuyoan sa GOCC.

Ang pangulo nagkanayon nga daghan kini og kita nga mapunta sa nasudnong kagamhanan nga masulod sa Maharlika Fund ug dili magamit sa budget sa nasudnong kagamhanan. (ECB/PIA7 Bohol)