TAGBILARAN CITY, Bohol, Jan. 27 (PIA) -- Si Presidente Ferdinand R. Marcos Jr. niadtong Miyerkules miila sa kontribusyon sa mga health workers sa nasud, diin matud niya nga ang pagpasa sa Magna Carta for Barangay Health Workers (BHWs) makapataas pag-ayo sa ilang kahimtang.

“I’m also happy to say, I was with the PLLO [Presidential Legislative Liaison Office] yesterday and kasama na doon sa napasa na na mga batas ay isa doon was the Magna Carta for Barangay Health Workers. Kaya’t malaking bagay ‘yan,” pagbutyag ni Marcos sa meeting sa Malacañang.

“Kami na dumaan sa local government… will never argue with the importance of the barangay health workers and for that matter all the volunteers at the barangay level at ang BHW– siyempre kayo pinakamarami. Lalo na ngayon na maraming sakuna, we know that we can always count on the BHW,” pagtumbok pa sa Presidente.

Ang Magna Carta for Barangay Health Workers maoy usa sa mga balaodnon sa Kamara ubos sa Legislative-Executive Development Advisory Council (LEDAC) nga giaprobahan sa ikatulong pagbasa sa House of Representatives.

Ang mga BHW sa nasud adunay dakong papel sa kataas sa pandemya sa coronavirus, paghatag serbisyo, pagpahigayon sa mga pagbalay-balay nga pagbisita ug pagdesisyon kung kinsa sa populasyon ang kinahanglan ipadala sa mga ospital ug mga pasilidad sa isolation, ang Presidente miingon.

Matud pa ni Marcos nga importante usab sila nga tinubdan sa impormasyon alang sa nasudnong gobyerno sa mga desisyon sa polisiya niini, nga nagpasiugda sa ilang presensya sa grassroots level.

Human sa mga inisyal nga diskusyon, si Presidente Marcos miingon nga ang iyang gobyerno misiguro nga ang Magna Carta alang sa BHW mahimong usa ka prayoridad nga lakang ug siya naglaum nga walay pagsupak sa balaodnon tungod sa kamahinungdanon sa trabaho sa mga health worker. (ECB/PIA7 Bohol)