SYUDAD SANG ROXAS, Capiz (PIA) -- Ginpangunahan ni Mayor Roberto Palomar sang banwa sang Tapaz ang pagbukas sa brodkast studio sang "Bakas Tapaz 99.7FM" nga estasyon sang radyo sadtong Enero 29 sa Marugo Lake sa Brgy. San Antonio, Tapaz.

Ang estasyon ang may kabaskugon nga 1,500 watts kag mabatian sa madamo nga kabanwahanan sa Capiz kag bahin sang Aklan kag Iloilo nga mga probinsya.

Ginpahayag ni Palomar nga tintutyo sang waragwagan nga magpaabot sang egsakto nga impormasyon, pagpalangga kag kalinong sa mga Tapaznon.

ispiritwal subongman pagtuo kag debosyon sang mga tagpalamati sang estasyon.

Ginpunto pa sang alkalde nga labi pa nga pasangkaron pinaagi sa radyo ang panawagan sa mga rebelde nga magbalik na sa sabak sang gobyerno.

Ang estasyon ang magaserbe man nga lugar agud nga mahanas ang mga estudyante ilabi na ang mga may interes nga mangin brodkaster kag bukas sa tanan nga gusto magpalayag sang ila tagsa ka mga maayo nga tinutuyo basta nga makabenepisyo lang sa publiko.

Ang brodkast nga istudyo sang Bakas Tapaz ang ginapalibotan sang mga manami nga talan-awon kapareho sang malapad nga linaw kag kabukiran. (JBG/AAL/PIA Capiz)