TUGUEGARAO CITY, Cagayan (PIA) - - Insayangkat iti opisina ti Department of Agriculture (DA), babaen ti Registration and Licensing Unit and Regulatory Division, ti online registration para iti pannakapabaro ti lisensia a mangpataray kadagiti feed establishments iti probinsia ti Nueva Vizcaya.
Panggep daytuy nga masalakniban ti pagimbagan ti publiko ken dagiti agtartaraken iti manok, babuy ken dadduma pay nga taraken.
Panggep na pay daytuy nga singasing nga maipasigurado kadagiti konsumer iti kalidad to taraon ken iti taraken.
Sigun kenni Remedios A. Delarosa, hepe ti Regulatory Division, naisayangkat datoy nga aktibidad tapno nasaysayaat ti panangiwanwan kadagiti agtagikwa kadagiti feed establishments wenno aglaklaku iti pakan para kagadigiti tartaraken.
