CAGAYAN DE ORO CITY--Gipagawas na sa Department of Trade and Industry (DTI) ang bag-ong suggested retail price (SRP) alang sa pipila ka basic ug prime products.

Ang mga pagbag-o sa presyo tungod sa pagtaas sa presyo sa mga raw materials, packaging, ug uban pang mga gasto.

Ang mga batakang produkto nga aduna'y updated nga SRP naglakip sa pipila ka brand sa canned sardines, processed ug powdered milk, kape, pan, noodles, laundry/detergent soap, kandila, processed canned meat ug canned beef, patis, toilet soap, ug mga baterya.

Ang mga adjustment sa presyo sa pipila ka canned sardines, processed ug powdered milk, 3-in-1 coffee mix, pan, locally manufactured noodles, ug detergent/laundry soap gikan sa P0.50 ngadto sa P2.00.

Pipila ka brand sa processed meat ug canned beef misaka og P0.78 ngadto sa P3.50 samtang ang tulo ka brand sa condiments misaka og P1 ngadto sa P2.

Ang DTI nag-isyu sa SRP aron paggiya sa mga konsumidor ug retailer sa ilang pagpalit ug pagbaligya sa mga batakang panginahanglan ug mga nag-unang palaliton.

Ang price guide sa pinakabag-o nga SRP  makita online sa www.dti.gov.ph/konsyumer. (DTI-10/PIA-10)