TAGBILARAN CITY, Bohol, Feb. 13 (PIA) -- Ang Kapit-Bisig Laban sa Kahirapan Comprehensive and Integrated Delivery of Social Services (KALAHI-CIDSS) program sa Department of Social Welfare and Development (DSWD) alang sa 32,336 ka PWD beneficiaries gikan sa 129 ka local government units sa Central Visayas nga naka-benepisyo sa cash-for-work program.

Uban sa tema nga “BUHAYnihan: Buhay at Bayanihan para sa Mamamayan,” ang programa sa CFW nga gipondohan sa Kapangyarihan at Kaunlaran sa Barangay (KKB) modality nagtumong sa paghatag ug pinansyal nga tabang sa mga PWD bugti sa serbisyo sa komunidad o mga bulohaton.

Ang mga benepisyaryo sa PWD nagtrabaho sulod sa 6-10 ka adlaw sa ilang tagsa-tagsa ka komunidad ug nakadawat sa minimum regional wage nga P435.00 matag  adlaw.

Lakip sa kasagarang mga matang sa trabaho nga gikasabotan tali sa mga LGU ug PWDs mao ang mga bulohaton sa serbisyo sa komunidad sama sa pagpanglimpyo ug pagdisinfection sa mga pampublikong pasilidad, pagpananom og kahoy, gardening, pagpamanday, pagpanilhig sa kadalanan, ingon man mga bulohaton sa klerikal sama sa pagrekord sa pagtambong ug pagtabang sa on-demand nga mga kalihokan sa mga opisina sa LGU.

Ang KALAHI-CIDSS isip implementing program niini nga inisyatiba, nagpahigayon og 11 ka scheduled payouts gikan sa Disyembre 3, 2022, hangtod sa Enero 10, 2023, sa lain-laing payout sites, lakip na ang national simultaneous payout nga nahitabo niadtong Disyembre 3 sa pagsaulog sa international day of PWDs ug ang payout niadtong Disyembre 22 nga adunay 10,856 ka PWD beneficiaries, ang pinakataas nga ihap sa benepisyaryo nga nabayran sa usa ka adlaw.

Ang maong programa nakigtambayayong sa mga LGUs nga nakiglambigit sa cash-for-work project sa KALAHI-CIDSS ug pinaagi sa pag-alokar sa mga serbisyo sa komunidad nga mahimo sa mga PWDs.

"Nagpasalamat kami sa mga LGU sa ilang suporta pinaagi sa pagdawat sa programa, pagtabang sa DSWD sa pagpangita sa mga angayan niini nga tabang, ug pagpadali sa serbisyo sa komunidad," si DSWD-7 Regional Director Shalaine Marie S. Lucero nagkanayon.

Lakip sa mga LGU sa Central Visayas nga adunay pinakadaghang benepisyaryo sa PWD mao ang mga syudad sama sa Cebu, Mandaue, ug Bayawan sa Negros Oriental, ingon man ang mga lungsod sama sa Daanbantayan ug Ayungon.

Ang breakdown sa mga benepisyaryo ug ang kinatibuk-ang kantidad sa hinabang nga gipagawas matag probinsiya mao ang mosunod: Cebu: 16,143 (P68,335,890.00); Negros Oriental: 8,281 (P30,425,638.00); Bohol: 7,333 (27,509,400.00); Siquijor: 579 (P1,952,340.00).

Dugang niini, isip nanguna nga ahensya sa social protection, ang DSWD nanawagan sa mga pamilya nga adunay mga myembro sa PWD nga ilhon ang katungod sa mga PWD sa komunidad.

“Among gidasig kadtong adunay mga anak nga PWD o sakop sa ilang pamilya nga mahimong mainstream sa katilingban. Tugoti sila sa paggawas, ug hatagi sila ug higayon nga moapil sa mga grupo o organisasyon sa PWD. In this way, we are giving them the chance to better their lives,” matud pa ni Lucero.

Uban sa cash-for-work, ang DSWD dili lamang mohatag og tabang alang sa inadlaw-adlaw nga panginahanglanon sa PWD, apan naghatag usab kanila og dignidad aron ipakita ang ilang kapasidad isip katungod nga miyembro sa katilingban nga walay paghukom o diskriminasyon. (ECB/PIA7 Bohol)