ILIGAN CITY (PIA)--Kapin 60 ka mga partisipante ang nitambong sa gipahigayong Partnership Leadership Seminar sa Department of Education (DepEd) Lanao del Norte niadtong February 16, 2023.

Lakip sa partisipante ang Committee Heads on Education sa mga local government unit sa Lanao del Norte, Public Schools District Supervisors, representatives gikan sa Philippine Army, Philippine National Police, ug uban pa.  

Gipasabot ngadto sa mga nitambong ang pagka-mahinungdanon sa pagtinabangay aron maka-implementa og mga epektibong programa para sa dugang kalamboan sa natad sa edukasyon sa Lanao del Norte.

"In DepEd, the spirit of partnership is part of the package of our day-to-day journey. We take a look at how we can prioritize education and at the same time foster patriotism and nationalism. (Sa DepEd, ang diwa sa pagtinabangay kabahin sa atong adlaw-adlaw nga panaw ug gimbuhaton. Atong tan-awon kung unsaon nato nga mag-una ang edukasyon ug sa samang higayon makapalambo sa patriotism ug nationalism),” sumala ni  Dir. Margarita Ballesteros sa International Cooperation Office sa DepEd Central Office.

Samtang, nagpasalamat si Mamilawan Cali usa ka Public Schools District Supervisor sa gipahigayon nga seminar.  

“Nakakatulong ito para ma-invite natin yung mga kasamahan sa DepEd na sumali sa ibat-ibang uri ng pamamaraan kung paano makakuha ng partners at masolve ang issues and concerns na nakita natin sa field during monitoring," sumala ni Cali.

Gipasalamatan pud sa DepEd Lanao del Norte ang ilang partners sa mga paningkamot nila aron makatabang sa pagpalambo sa edukasyon.  

Gibutyag ni Sangguniang Bayan member Leonilo Gorecho sa lungsod sa Kapatagan ang hugot nga suporta sa edukasyon sama sa pag-improve sa mga eskwelahan sa ilang lungsod.

Ang Lanao del Norte, dunay 427 ka mga eskwelahan nga gidumala sa DepEd. (LELA/PIA-10/Lanao del Norte)