ILOILO CITY (PIA) -- Ginlunsar sang Land Bank of the Philippines (LANDBANK) ang bag-o sini ka scholarship program nga gindesinyo agud nga mabuligan ang "dependents" sang mga agrarian reform beneficiaries (ARBs) kag magagmay nga mga mangunguma kag mangingisda sang pungsod.

Sa idalom sang “Iskolar ng LANDBANK Program,” nag-pain ang LANDBANK sang kabilogan nga P128 milyon agud nga matatapan ang kagastuhanan sa pag-eskwela sang kapin 360 ka mga iskolar humalin subong nga 2023 tubtob 2028.

Ang Iskolar ng LANDBANK Program nagadala sang tema nga “600@60: Developing scholars and nurturing talents towards serving the nation,” nga naga representar sang target sang LANDBANK nga makapatapos sang 600 ka mga iskolar, lakip ang mga gradwado humalin sa nauna nga scholarship program sang bangko, para sa selebrasyon sang ika-60 nga anibersaryo sang LANDBANK subong nga tuig.

nguma kag mangingisda nga nakatapos sa high school, may average grade nga indi magnubo sa 90 porsyento ukon nalakip sa top 10 sang ila klase.

Pagasuportahan sang scholarship ang 60 ka mga bag-o nga mga iskolar kada tuig sugod subong nga tuig tubtob sa 2028, kag magahatag sang P100 mil sa kada isa sa ila kada tuig nga magasakop sang allowance kag galastohan para sa mga libro, uniporme kag iban nga mga kinahanglanon sa ila pagakuhaon nga kurso sa kolehiyo.

Hatagan naman sang special cash incentives ang mga iskolar nga magagradwar nga may honors.

May 12 ka mga eligible courses nga pagapilian ang mga iskolar kaangay sang horticulture, animal science, food technology, data analytics, information technology, accounting, agribusiness management, and agricultural, IT, industrial ukon management, civil, kag mechanical engineering.

Apang, nakatalana man nga magkipag-partner ang LANDBANK sa 12 ka mga State Colleges and Universities (SUCs) sa bug-os nga pungsod, agud nga maakomodar ang mga iskolar gikan sa National Capital Region (NCR); Northern, Central kag Southern Luzon; Visayas; kag Mindanao.

Pagahatagan sang kahigayonan ang mga Iskolar graduates nga mangin on-the job (OJT) trainee sa mga LANDBANK branches and lending centers, lakip ang mga partner agencies kag institutions sang bangko.

Ang Iskolar ng LANDBANK Program igamanihar sang LANDBANK Countryside Development Foundation, Inc. (LCDFI), ang corporate foundation sang bangko nga nagahatag sang mga paghanas kag capacity-building programs. (JBG/FRG/PIA6)