No. of :

No. of Shares:

Currently viewed by: Marcus Rosit

  1. Home
  2. News
  3. MSMEs nagbukas kang 'Pasundayag kang mga Produkto Antiqueño' Bazaar

MSMEs nagbukas kang 'Pasundayag kang mga Produkto Antiqueño' Bazaar

Write a comment

Delete

SAN JOSE, Antique (PIA) - -  Ang mga magagmay nga negosyante ukon mga micro, small and medium enterprises (MSMEs) sa Antique nagbukas kang "Pasundayag kang mga Produkto Antiqueño" bazaar sa banwa kang Tibiao, Antique.

Suno kay Department of Trade and Industry-Antique provincial director Lynna Joy Cardinal raku nga mga produkto nga makita sa bazaar halin sa banwa kang Tibiao kag mga kabanwahanan sa norte nha bahin kang Antique.

Si Mayor Klemens Bandoja  ka Tibiao naga-agda sa mga publiko nga suportahan ang mga lokal nga  MSMEs paagi sa pagbakal kang anda produkto nga makita sa Negosyo Center Poblacion, Tibiao, Antique.

Delete

Ang dya nga lihuk may kaangtanan sa paghiwat kang "Maninihon Festival" kang banwa kang Tibiao.

Ang dya nga pagpasundayag kang produkto, gintingub nga inisyatibo kang mga Negosyo Center - Antique Northern Cluster nga ginakatapua-an kang banwa kang Tibiao, Barbaza, Culasi, Sebaste, Pandan, Libertad kag Caluya  kaimaw ang opisina kang One-Town-One Product kag Tibiao.

Samtang, may pagahiwatun man nga pagpasundayag kang mga produkto sa sur nga bahin kang Antique sa banwa kang Tobias Fornier may kaangtanan sa anda paghiwat kang Panaet Tarambayaw:  Sambayang Festival sa Pebrero 23 asta 26,2023.

Delete

Nagpanawagan ang DTI sa publiko ang padayunon nga pagsuprta sa mga MSMEs  para mataw-an sanda ka inspirasyon nga magpadayun sa anda negosyo.

Ginhambal man ni Cardinal nga ang mga mini-fairs kag bazaars, sangka pamaagi kang DTI nga iduso ang kampanya nga "Buy Local." (JBG/DTI/PIA-Antique)

About the Author

Pilar Mabaquiao

Writer

Region 6

Related News

Feedback / Comment

Get in touch