DAVAO CITY (PIA) - Ang Department of Social Welfare and Development (DSWD) Field Office XI nangona sa pag tunol isip seed capital fund nga nag kantitad ug P300,000.00 sa usa ka livelihood association sa Dona Segia NAKADA Assoication sa Purok Nakada, Barangay Daliao, Toril, Davao City niadtong Pebrero 1, 2023. 

Ang maong asosasyon adunay 20 ka myembro ang nakadawat ug livelihood grant alang sa ilang rice retailing project nga gipunduhan ubos sa Sustainable Livelihood Program (SLP) - Payapa at Masaganang Pamayanan (PAMANA) Program.

Ang PAMANA program usa ka peace and development convergence program sa national government nga ang katuyuan ang pagsulbad sa mga armadong panagbangi ug injustice, paglambo sa komunidad ug paghatag og gahum sa mga komunidad pinaagi sa pagpalig-on sa ilang mga kapasidad sa pagdumala sa mga isyu sa panagbangi ug kalinaw.

Ang SLP nagtumong sa pagpalambo sa ekonomikanhong kaayuhan sa mga vulnerable, marginalized, ug disadvantaged nga mga indibidwal ug pamilya sa mga komunidad pinaagi sa pagpalihok ug paghatag og gahum kanila uban sa suporta sa mga local government units ug uban pang ahensya sa gobyerno. (PIA-XI/Loel Balangauan)