SYUDAD SANG ILOILO (PIA) - - Nagpaguwa ang Department of Budget and Management (DBM) sang 2023 Cancer Assistance Fund (CAF) nga nagabalor P500 milyones para sa Department of Health (DOH).

Kabahin ang kantidad sa comprehensive fund nga ginpaguwa sang DBM sa pagsugod sang tuig.

Suno kay Tiglikum Amenah F. Pangandaman, nagapamatuod lamang ini sang commitment sang gobyerno nga pabaskugon pa ang ikaayong lawas kag kaayohan sang mga Filipino nga naga-antus sa balatian nga cancer.

"For many years, cancer has been one of the leading causes of death in the country. Sadly, Filipino families, even those in the upper-income brackets, are vulnerable to catastrophic health spending due to high treatment costs and limited coverage of cancer care under public programs. Based on 2019 estimates, around 60 percent of the total public cancer expenditures comes from out-of-pocket payments and private insurance. Naiintindihan kong mabigat ‘yon sa bulsa at balikat ng ating mga kababayan," pahayag ni Tiglikom Pangandaman.

Tinutuyo sang CAF nga pun-on kag dugangan ang ara na nga financial support mechanisms para sa nanuhaytuhay nga cancer care and control services nga indi pa sakop sang Philippine Health Insurance Corporation kag partially covered gid lamang sang Malasakit Program.

Nagalaum ang Tiglikom nga mahatagan sang palaum ang mga Filipino nga nagabakigbato sa amo nga balataian, lakip ang pgpasalig sang bulig sang DBM.

Pagabayaran sang pondo ang outpatient kag inpatient cancer control services, kalakip apang indi limitado sa diagnostics, therapeutic procedures kag iban pa nga bulong nga kinahanglanon sa pagbulong kag pagdumala sang cancer kag care-related components sini.

Dugang pa, kalakip man sa CAF ang pagpondo sa kinahanglanon nga diagnostics kag laboratories kaangut sa walo ka priority cancer types nga nagalakio sa breast cancer; childhood cancers; gynecologic cancers; liver cancer, kalakip ang colorectal kag iban pa nga digestive tract cancers; adult blood cancers; head and neck cancers, kalakip ang thyroid; lung cancer; kag prostate, renal, kag urinary bladder cancer.

Sang 2022, nagpaguwa ang DBM sang P529.2 milyones para sa CAF, P230.8 milyones sini ang gingamit sang DOH. Ang balanse nga P298.4 milyones mahimo gamiton tubtub sa katapusan sang 2023.

Ang pagpatuman sang 2023 CAF ang igabase sa panibag-o nga guidelines nga igapaguwa sa indi madugay sang DBM kag DOH. (JBG/DBM/laf/PIA6-Iloilo)