SAN JOSE, Antique (PIA) - Ang Philippine Statistics Authority (PSA)-Antique naghiwat kang seminar tuhoy sa  civil registration  kag “analysis of cause of national deaths for action” ukon ANACONDA kasan-o gid lamang.

Ang ANACONDA sangka programa sa computer nga ginagamit para mapasiguro nga husto ang numero kang mga narihistro nga nagkaramatay sa pungsod.

Sanday PSA 6  Registration Officer IV Mary Grace Dorilagka PSA 6 kag Registration Officer II Maria Leni B. Taladacon ang dinapit nga maughambal kag sanda nagpa-athag tuhoy sa Civil Registration kag mga kinahanglanun kun magparehistro ka mga importante nga hitabu sa kabuhi kang tawo parehas kang  pagbata, pagpakasal kag pagkamatay.

Dya gintambungan kang mga empleyado kang  PSA Antique mga on-the-job trainees (OJT) halin sa St. Anthony's college (SAC) , University of Antique (UA), kag West Visayas State University (WVSU).

kinamatarung nga makabuol kang anang ngaran, nasyonalidad, edukasyon, para-angitan-an kg iba pa.

Ginhambal man ni Tacogdoy nga ang Civil Registration makabulig man sa gobyerno sa paghimo kang mg plano, pulisya kag iban pa nag lihuk pangkauswagan basi sa mga impormasyon nga mabuol sa pagparehisto kang mga tawo.

Ang dya nga seminar may kaangtanan sa selebrasyon kang ika-33 nga Civil Registration Month nga may tema "PSA @10: Providing Efficient and Effective Civil Registration and Vital Statistics through Digital Transformation." (JBG/DPA-UA Intern/PSA/PIA Antique)