ILIGAN CITY (PIA) -- Subay sa pagsaulog sa National Women's Month, nagdisplay ang kapin 50 ka micro, small, medium enterprises (MSMEs) sa 2023 Trade Fair nga gipanguluhan sa Iligan Chamber of Commerce and Industry Foundation Incorporation (ICCIFI), Marso 3, sa Robinsons Place atrium.
Gidisplay sa MSMEs ang ilang mga produkto nga processed food, gifts ug housewares, fashion accessories, beverages, home style and living, ug organic products.
Sumala ni ICCIFI President Reggie Punongbayan, ang maong kalihokan usa ka oportunidad alang sa mga negosyante ug mga miyembro sa komunidad nga maghiusa ug magpakita sa ilang mga produkto, serbisyo ug ideya.
"Iligan City has always been known for its rich culture and history. This event is a testament to the vibrancy and diversity of our community. As we explore the different exhibits and stalls, we see the ingenuity and creativity of our local businesses, entrepreneurs and the students, who are also participating in this event,” sumala ni Punongbayan.
Samtang gidayeg ni Department of Labor and Employment Lanao del Norte Officer-in-Charge Provincial Head Lawyer Safrali Cabili ang trade fair nga usa ka dakong accomplishment sa Iligan Chamber tungod kay usa kini ka paagi sa pagpakita sa mga lokal nga produkto.
Sa dugang pa, komitado sab si Committee on Trade and Commerce Industry Chairperson City Councilor Marlene Young sa pagsuporta ngadto sa business community. Iyang gipasalig nga ilang paningkamotan nga mas mapauswag ang kinabuhi sa business community pinaagi sa pagduso ug resolusyon ug ordinansa. (LELA/PIA-10/Lanao del Norte)