TUGUEGARAO CITY, Cagayan (PIA) - - Inanunsyo na ng Cagayan provincial government ang pagbubukas ng Cagayan Art and Creative Writing Awards para sa mga artist na nais makipagpaligsahan ngayong taon.

Tulad sa mga nagdaang taon, itatampok sa art competition ang mga kategoryang physical media na nahahati sa painting at sculpture, at digital media o photography.

Sa creative writing naman, ang mga kategorya ay nahahati sa Junior High School, Senior High School, College, Adults, at ang pinakabago ngayong taon, ang Senior Citizens Category.

Para sa art contest, ang deadline ng pag-sumite ng entries ay sa May 19, 2023, at sa creative writing naman ay sa April 21, 2023.

Para sa karagdagang impormasyon at paraan ng pag-susumite, maaaring puntahan ang mga Facebook page ng Cagayan Art and Creative Writing Awards, Cagayan Museum and Historical Research Center, at ng Cagayan Provincial Information Office. (OTB/JKC/PIA-Region 2)