DAVAO CITY – Gisaulog ang selebrasyon sa International Women’s Day karong tuiga, Marso 2023, pina-agi sa usa ka morning walk nga gisalmutan sa mokatabat 4,000 ka mga kababainhan ug pipila ka mga kalalakihan gikan sa nagkadaiyang grupo sa Barangay Council for Women sa Davao City apil usab ang mga nagkalain-laing ahensya sa national government agency ug local nga kagamhanan sa Davao.

Gi sa-ulog ang selebrasyon pinaagi sa pagsuot og color Violet ug Fuschia nga mga t-shirt. Dugang pa ani, aduna usab dala na mga banner ang mga misalmot na ahensya ug mga grupo sa kababainhan.

Matud pa ni Lorna Mandin, Hepe sa Davao City Integrated Gender and Development Division, ang maong pagmartsa nagsimbolo sa panaghi-usa sa kababainhan ug pagsaulog usab sa mga kadaugan sa siyudad sa tibuok tuig.

Atol usab sa maong selebrasyon, ang Chairperson sa Davao City Sangguniang Panlungsod Committee on Women, Children and Family Relations Trisha Ann Villafuerte mikanayon nga espesyal ang International Women’s Day tungod kay panahon na nga hatagan ug dungog ang kontribusyon sa tanang kababainhan sa kalambuan sa Davao City.

Matud pa ni Villafuerte nga anaa sa pipeline ang mga ordinansa alang sa mga solo parent  aron masiguro ang kaayuhan sa kababainhan ug ingon man ang mga bata tungod kay nag-draft usab siya karon og committee report alang sa lokal nga ordinansa sa Online Sexual Abuse and Exploitation of Children (OSAEC).(PIA/ETIsidro)