TAGBILARAN CITY, Bohol, March 7 (PIA) -- Samtang nagkadaghan ang mga mananalom ug turista sa Pilipinas, ang Bohol Loop Dive Expo (BholDEX) mag-bukas sa kahigayunan nga makit-an usab ang mga nindot nga buhilaman sa ilawom sa kadagatan sa mga bag-ong dive sites sa Bohol.

Dungan usab sa BholdDEX, giawhag sa mga tinugyanan ang mga divers sa tinuok nasud ug bisan ang kadtong tua sa gawas sa pagsalmot sa dive festival nga mahitabo sa Bohol sa Abril 14-30.

Matud pa sa Bise Presidente sa Panglao Association of Dive Operators Edgar Baylon, ang kalihukan nga mahitabo sa BholDEX gilantaw nga magpalu-ag sa naghuot na nga mga dive spots sa Panglao, Balicasag ug Pamilacan samtang magbukas sa pangwarta sa uban nga mga kalungsuran nga may buksan nga mga dive sites.

Gawas sa mga dives, ma SCUBA man o free dives, fun dives ug mga bubblemakers alang sa mga kabataan nga dili pa pwede sa pagsawom sa mga lawom nga lugar, gidapit usab sa mga gapasiugda sa kalihukan ang mga underwater photographers sa pag-apil sa free dive ug scuba photo competition.

Adunay usab daghan nga mga tourist spots nga masuroyan nga mahimong hinungdan nga mas mailado ang Bohol gawas sa mga diving sites mao nga og usa ka sa mga diver ug turista, kini na ang kahigayonan sa pagsuhid sa mga tourist spots ug diving sites sa Pilipinas, aghat ni Baylon.

ANg BholDEX gitanyag sa Bohol Provincial Government, Department of Tourism Tourism Promotions Board, Bohol Association of Hotels, Resorts and Restaurants, Philippine Commission on Sports and Scuba DIving kauban sa 12 pa ka kalungsuran. (Geriza Necesario, PIA7 Bohol Student Intern)