TAGBILARAN CITY, Bohol, Marso 9 (PIA) -- Gisuwayan ang pagka-andam sa mga kapin sa 700 ja kabataan ug 26 ka magtutudlo sa pagpatuman sa City East Elementary School sa Earthquake Drill, Marso 9.
Kalihukan agi og pagpangandam kung unsa ang angay buhaton kung ugaling naay mahitabo nga linog, ang Earthquake Drill gidungan usab sa National Simultaneous Earthquake Drill.
Napakita didto nga makahibaw na ang mga taga didto sa angay buhaton, bisan kon dili gyud matagna ang katalagman sama sa linug.
Nakauban didto evaluation ang Tarsier 117, PDRRMO, Air Force Aeromedical reserve squadron ug ang PIA.
Matud pa ni Jose Requeron, Emergency Operations Officer sa Tarsier 117, dili ang kamot ang angay nga i protekta sa ulo, kung dili mangita og mga gahi nga butang, musulod sa ilawom sa lamesa o lingkuranan para makasiguro nga na protektahan ang ulo.
Si Lorna Remolador, magtutudlo ug DRM coordinator sa tunghaan nalipay tungod kay nakita niya nga kadaghanan sa mga estudyante kahibaw na ug andam kung unsay angay buhaton kung adunay linog.
SI Franz Catherine Soso, Grade 6 nga estudyante mibutyag sa interview nga, karon, kahibaw na sila kung unsay angay buhaton ug sila nga 27 kabuok sa iyang mga classmates. (Jereza Sansan/PIA7 Bohol student intern)
Mas maayo nga inay ang kamot, mangita og gahi nga tabun nga magamit sa pagpanalipod sa ulo aron dili ma-igo sa mga mangatagak nga butang kon maglinug, matud ni Jose Requeron sa Tarsier 117. (PIA Bohol)
