Ginpaabot ni Castro rayang mga impormasyon kat mangin bisita imaw sa dominggohan nga programa it PIA-Aklan sa sangka estasyon iya sa Kalibo.
Pwede eon makapon ro mga tiyo nga ayam naga edad it tatlo hasta limang buean suno kana.
Ro pagbakuna sa mga ayam ag kuring hay idto man hiwaton sa nasambit nga lugar.
Ginsugid ni Castro nga ku nagtaliwan nga dag-on, ap-at nga kaso it rabies sa ayam ro halista it OPVET-Aklan samtang sa parte it tawo, ap-at ro namatay bangud sa rabies sa nasambit man nga tyempo.
Sa pag-obserbar it Rabies Awareness Month, ginpanawagan man ni Castro sa mga Aklanon nga mangin responsable nga tag-ana it ayam ag kuring raya man hay may rasa ukon Asong Pinoy (Aspin).
Suno kana, ro mga tag-ana it ayam hay dapat haum nga mag gasto para sa purga, pagkaon, bitamina ag bakuna.
