TAGBILARAN CITY, Bohol, Marso 7 (PIA) -- Aron mapanalipdan ang katawhan sa mga nikatag nga binuang sama sa fake news, scam, hacks ug bank fraud, gamit ang mobile phones, gimandu na sa kagamhanan ang pagparehistro sa tanan mga mga Subscriber Information Modules (SIM).
Ang pagparehistro sa SIM, magpagawas unya sa pangalan sa migamit sa SIM aron mangilad, mao nga mas sayun ra silang ilhon ug dakpon.
Niini, giawhag ang tanan sa Department of Information, Communications and Technology (DICT) ug sa National Telecommunications Commission (NTC) sa pagsunod ug pagbuhat sa SIM registration para malikayan ang pagdaghan sa pangilad ug usab, aron malikayan ang pag deactivate sa mga sim cards nga aktibong gigamit karon.
Ang sim registration nagmugna ug pagrehistro sa mga bag-o o daan nga sim card.
Pwedeng makapalit ang mga menor de edad sa sim card apan kinahangl;an nakapangalan ang sim card nakarehistro sa ilang mga ginikanan.
Sa pagparehistro, importante nga tubagon ang mga pangutana sa form basi sa personal nga impormasyon.
Matud sa balaod, usa ka krimen ang pagpangawat og SIM card ug mahimong masilotan ang mga namaligya sa kinawat nga SIM.
Base sa balaod, ang bisan kinsa nga malambigit sa pagpamaligya og mga kinawat nga SIM card mapriso sulod sa unom ka buwan ngadto sa duha ka tuig.
Mahimo usab silang pamultahon hangtod sa ₱300,000. (Jereza Sansan/ PIA Bohol Student Intern)
Sa SIM sign-up event didto sa BISU, personal nga gitabangan sa mga empleyado sa SMART ang mga estudyante nga nagparehistro aron ila na nga maseguro nga dili ma deactivate ang ilang mga numero sa ilang mga cellphones. (PIA Bohol)
