TAGBILARAN CITY, Bohol, Dec. 28 (PIA) -- Gipahimangnoan sa Department of Information and Communications Technology (DICT) ang publiko kalabot sa pagdagsang sa mga email nga giingong gipadala sa mga telecommunications companies (telcos) ngadto sa ilang mga subscribers kalabot sa SIM Registration Act.

Ang maong mga email nagpahibalo sa mga subscriber nga adunay rehistrado nga mga account sa ilang tagsatagsa ka telco virtual wallet ug mobile payment applications nga ang ilang mga account gipugngan subay sa maong balaod ug ma-activate lang pag-usab sa ilang pag-apil sa usa ka proseso sa pre-registration.

Gitambagan ang mga subscriber sa Telco nga magmatngon sa pag-atubang niining mga email. Ilabi na, gitambagan ang mga subscriber nga dili mohatag og personal nga impormasyon sa mga nagpadala o mag-click sa mga link nga mahimong maapil sa mga mensahe sa email.

Dugang pa nga gitambagan ang publiko sa pagsunod lamang sa opisyal nga guidelines alang sa pagparehistro sa SIM cards gikan sa DICT, National Telecommunications Commission (NTC), ug sa mga telcos.

Matud pa nga ang modus mao ang mga peke nga email nga gipadala ngadto sa mga subscriber nga adunay mga rehistrado nga account sa GCash ug Maya virtual wallet ug uban pang mobile payment applications nga nagpahibalo kanila nga ang ilang mga account gi-restrict subay sa naasoy nga balaod ug ma-activate lamang kini og balik sa higayon nga sila mohimo sa usa kuno ka proseso sa pre-registration pinaagi sa nakompromiso nga link.

Gitambagan sa DICT ang publiko nga magpabiling mabinantayon ug i-report ang bisan unsang susamang isyu sa mga hingtungdan alang sa dugang nga aksyon. (ECB/PIA7 Bohol)