TAGOLOAN, Lanao del Norte (PIA) - - Gipangulohan sa National Telecommunications Commission (NTC)-10 kauban ang service providers nga Globe, Smart, ug Dito, lakip na ang Department of Information and Communications Technology ug local government units ang registration sa subscriber identity module (SIM) cards sa mga hilit nga lugar sa probinsya.

Priority areas sa probinsya ang mga lungsod sa Tagoloan, Balo-i, Sultan Naga Dimaporo, Kapatagan, Salvador, Magsaysay, Sapad ug Lala.

Usa sa mga nakaparehistro sa iyang SIM card si Damoling Tuano, 70-anyos ug taga Tagoloan. Busa, dako ang iyang pasalamat sanglit natabangan siya sa pagparehistro aron macontact ang iyang mga anak sa Manila ug Marawi.

“Ang masasabi ko lang sa kanila, sana i-bless pa sila ni Allah kasi tinulungan nila kami magregister ng SIM card,” sumala ni Tuano.

Ubos sa Republic Act 11934 o ang SIM Registration Act, ang SIM card users kinahanglang rehistro ang ilang SIM card nga ilang gamiton sa ilang mobile devices.

“It is very important to help us in  curbing the proliferation of cybercrime, scams, and other modus that are using sim cards for illegal activities,” sumala ni Engr. Joel Siladan sa NTC-10.

“Pinaalala ko sa inyong lahat na mga residente ng Tagoloan, na kailangan nating i-register ang ating sim card dahil nalalapit na ang deadline,” sumala ni Vice Mayor Abdulah Dimakuta.

Target sa aktibidad nga makarehistro og liboan ka mga SIM card users gikan sa hilit nga mga barangay sa Lanao del Norte. (LELA/PIA-10/Lanao del Norte)