TAGBILARAN CITY, Bohol, Marso 7 (PIA) -- Ipatuman sa Bureau of Fire Protection (BFP) dinhi ang Oplan Ligtas na Pamayanan (OLP), atul sa usa ka buwan nga paghandum sa Fire Prevention Month.
Kini maoy gibutyag sa BFP pinaagi ni Senior Fire Inspector Servando Jumawid ug Fire Officer I Gian Paolo Dolotina didto sa Kapihan sa PIA, karong semanaha.
Ang pagpatuman sa OLP nagasukad sa tema sa paghandum sa Buwan sa Paglikay sa Sunog nga nag-ingon: "Sa pag-iwas sa sunog, di ka nag-iisa."
“Sa kamahinungdanon sa pagtinabangay sa tanan aron malikayan ang sunog, kinahanglan nga mahibal-an kung unsaon pagpugong gikan niini,” saysay ni FInspector Jumawid.
Gani ang BFP, mosuhot ngadto sa nga kabarangayan aron ipaabut didto ang mga aktibidad nga maggahum sa mga katawhan didto nga makalikay sa sunog ug unsay buhaton aron mapahilayo sa ingon niining katalagman.
Sa Oplan Ligtas na Pamayanan, ipakanaug sa ahensya ang mga seminars, fire drills, recoreda ug mga panudlo aron malikayan ang sunog.
Ang sunog usa sa labing delikado karong panahona kay mahimo nga sa pila langka minute, ang imong hinaguan sa tibuok kinabuhi, ma abo, dason sa opisyal sa kabomberohan.
"Prevention is better than cure," panapos niya. (Anna Kaye Madulara/PIA7 Bohol student intern)
Dili kaya sa kabomberohan nga sila ray pasagdan nga makigbugno sa kayo, mao nga samtang wala pay sunog, mas maayo usab nga ubanan kini sa katawhan, susama nga dili gyud maatul sa mga tinugyanan ang pagtutok sa tanang mahimong masunog, pasabut ni SFInsp Servando Jumawid didto sa Kapihan sa PIA. (PIA Bohol)
