DIPOLOG CITY, Mar. 24 (PIA) - Sa padayon nga pagsaulog sa Women’s Month, ang Technical Education and Skills Development Authority (TESDA) Zamboanga del Norte Provincial Office mipahigayon og usa ka adlaw nga training sa siomai, tempura, ug fishball making para sa mga Persons Who Use Drugs (PWUDS) ug mga kababayen-an nga gipahigayon sa Covered Court, Barangay Sta. Isabel, ning Dakbayan.
Ang tumong sa maong kalihokan para mapadali ang pagkunhod sa kapobrehon pinaagi sa livelihood skills training programs ug mga serbisyo alang sa women’s economic empowerment pinaagi usab sa pagpausbaw sa kahanas sa pag negosyo aron ma sustiner ang ilang panginabuhi.
Dugang pa, ang kalihokan nagtumong usab sa pagpataas sa kahibalo sa mga kababayen-an bahin sa gender equality ug sa ilang mga katungod.
Ang maong training gihimo sa Provincial Training Center-Sindangan pakig-alayon sa PNP Police Community Affairs and Development, ug sa Department of Trade and Industry. (NBE/EDT/Irish R. Ansingot-OJT/PIA9 Zamboanga del Norte)
