trol sa populasyon it namok ag para malikawan nga madugangan pa gid ro pagkaduea it kabuhi sa probinsya tungod sa dengue.
Pinakauna sa 4S strategies nga padayon nga ginakampanya it PHO hay ro Search and destroy mosquito breeding sites. Sa hara nga stratehiya, importante nga bue-on o samaron ro mga bagay ukon bueotangan nga pwede makatiner ro tubi ag mangin baeay it mga namok.
Masunod hay Self-protective measures kung siin ro tanan hay ginaengganyo nga magsuksok it mga mahaba nga saewae ag eambong, ag maggamit it mosquito repellent, ag mosquitero kung magkatueog.
Kung makaekspersyensya it mga sintomas kaparehas it eagnat it sobra eon 2-3 nga adlaw, kinahang-ean ro ikatatlo nga stratehiya nga Seek early consultation. Importante gid nga magpakunsulta eagi habang temprano sa sueod it 1-3 adlaw nga pagkaeagnat agud dayon nga masayran eagi ro masakit.
Iba pa nga mga senyales hay sobra nga sakit it ueo, sakit it tiyan, ginadugo, pantal sa kaeawasan, gasinuka, madali magaoy, masakit ro likod it mga mata, ag masakit nga kasukasuan ag kalamnan. Ginalaygayan gid ro mga pasyente nga magpakonsulta eagi kung makabatyag sanda maski sambilog sa mga nahambae nga mga senyales.
Pinakaulihi sa 4S strategies hay Support fogging activities; nga kung siin raya hay ginakampanya it PHO-Aklan sa mga lugar nga may maabo nga mga kaso it dengue. (AAL/SQP/PIA Aklan)