Matandaan nga ginpangunahan man ni gobernador Castro ang paghatag sang tig-P10,000 nga bulig pinansyal sa tatlo ka mga anay rebelde sadtong Disyembre 2022.
Sa iya nga bahin, ginpahayag ni Col. Michael Samson nga commander sang 301st Infantry Brigade nga ginalauman nga ang nasambit nga bulig pinansyal ang makabulig sa mga anay rebelde sa ila pagpangabuhi sang matarong kag produktibo nga mga indibidwal.
Nahibaluan nga base sa rekord sang CPPO, may kapin 53 ka mga rebelde kag ila mga tagasuporta ang na "neutralize" pabor sa gobyerno sang tuig 2022.
Ginalakipan ang mga ini sang syam nga mga rebelde nga nadakpan, 20 ka mga nagpakilala rebelde nga nag-surrender kag 24 ka mga nagasuporta sa NPA nga nagbawi na sang ila suporta sa komunista. (JBG/AAL/PIA Capiz)
