Sinabi pa ni Washburn na naglaan din sila ng P10-M para sa Cash-for-Work Program sa isang miyembro ng pamilya na ibibilang sa clean-up drive na ang pamahalaang panlalawigan pa rin ang siyang mangangasiwa dito.
Ang isang set ng PPE ay naglalaman ng cover-all, bota, gloves, goggle, sabon at iba pa na nakalaan sa mga first responders na nagsasagawa ng paglilinis sa mga baybayin ng lalawigan upang maging ligtas at maayos ang kanilang pagtatrabaho.
Ang ayudang ipinamigay ay sa pamamagitan ng INSPIRE Project Conservation Emergency Fund na pinondohan ng USAID at Gerry Roxas Foundation, katuwang ang ABS-CBN Foundation, Inc., Lingkod-Kapamilya at ABS-CBN Bantay Kalikasan.
Samantala, sa huling ulat ni Gob. Dolor ay nasa 20,932 pamilya mula sa bayan ng Naujan hanggang Bulalacao o katumbas na 102,000 na indibidwal ang opisyal na naitala ng pamahalaang panlalawigan ang naapektuhan ng naturang insidente. Posible anya na tumataas pa ang bilang nito dahil sa kasalukuyang estado ng kumakalat na langis.
