Ayon kay Cruzat, ang BHB ang siyang magtataguyod para sa tiyak na paglalahad ng mga payak na serbisyong pangkalusugan sa mga barangay at ang pakikilahok ng mga sektor sa pagbuo ng isang malusog na barangay.
Sa pagbaba anya ng Local Government Code, maraming serbisyong panlipunan ang kinakailangang tutukan ng mga lokal na pamahalaan. Isa na rito ang pagpapatupad ng serbisyo sa kalusugan na siyang nangangailangan ng mas matibay na politikal na saloobin ng mga lokal na namumuno at teknikal na kaalaman ng mga manggagawang pangkalusugan.
Sa ganitong paraan ay mabubuo sa pagbabalangkas ang mga Local Health Boards mula sa mga lokal na pamahalaan na ang sunod na bubuuin ay ang BHB sa mga barangay.
Samantala, ilan sa mga tungkulin ng BHGB ay ang mga sumusunod; Itaguyod ang isang malakas na lokal na pamumuno na siyang magsusulong ng kalusugan ng barangay. Pasiglahin ang pakikilahok ng mga nasa sektor ng lipunan sa pagkamit ng kalusugan sa komunidad, mangangasiwa ng mga isyu at kaganapang pangkalusugan sa barangay mula pagsusuri, pagpaplano, pagpapatupad, pamamahala, pagsisiyasat, at marami pang iba.
