TAGBILARAN CITY, Bohol, April 11 (PIA) -- Makadawat og dobleng bayad sa sweldo ang mga empleyado sa pribadong sektor nga nisulod niadtong Abril 6 - Huwebes Santo, Abril 7 - Biyernes Santo ug Abril 10 - Araw ng Kagitingan, puros mga regular holidays.

Sa abiso nga gipagawas sa Department of Labor and Employment (DOLE), pinaagi sa ilang Labor Advisory 7 niadtong Miyerkoles, Abril 5, ang motrabaho sa usa  ka regular holiday angay bayran sa employer sa kinatibuk-ang 200% sa sweldo niini sa usa  ka adlaw sa unang walo ka oras.

“For that employee who did not report to work, the DOLE said the employer shall pay 100 percent of the employee’s wage for that day, provided that the employee reports to work or is on leave of absence with pay on the day immediately preceding the regular holiday,” matud pa sa abiso.

“Where the day immediately preceding the regular holiday is a non-working day in the establishment or the scheduled rest day of the employee, he or she shall be entitled to holiday pay if the employee worked or was on leave of absence with pay on the day immediately preceding the non-working day or rest day (basic wage x 100%),” dugang pa sa abiso.

Alang usab sa mga nitrabaho og sobra sa walo ka oras, makadawat ang empleyado og dugang 30% sa hourly rate niini sa maong adlaw, o (hourly rate of the basic wage x 200% x 130% x number of hours worked).

Samtang sa mga nisulod sa usa  ka regular holiday ug natunong usab sa rest day o adlaw sa tigpahulay sa empleyado, angay kining bayran sa employer og dugang nga 30% sa basic wage niini og 200 percent, o (basic wage × 200% x 130%).

Sa molapas sa walo ka oras, makadawat ang empleyado og dugang 30% sa hourly rate niini sa maong adlaw, o (hourly rate of the basic wage × 200% × 130% × 130% x number of hours worked).

Samtang ipatuman ang “no work, no pay principle” sa Abril 8, Sabado de Gloria, nga usa  ka special non-working day.

Sa Abril 9 nga usa ka ordinary working day, ang empleyado makadawat usab og 100% nga sweldo niini sa usa  ka adlaw, o (basic wage x 100%).

Alang usab sa molapas sa walo ka oras nga pagtrabaho, bayran sa employer ang empleyado niini og dugang 25% sa hourly rate sa maong adlaw, o (hourly rate of the basic wage x 125%). (ECB/PIA7 Bohol)