LUNGSOD NG CALAPAN, Oriental Mindoro (PIA) – Muling nakiisa ang mga tanggapan ng Social Security System (SSS), Pag-IBIG Fund, PhilHealth, PhilSys, Department of Health (DOH) at iba pa, na ilan lamang sa mga nagkaloob ng serbisyo at sumagot sa mga katanungan ng mga Calapeño upang matugunan ang mga kailangang dokumento gayundin ang mga sangay ng lokal na pamahalaan ng lungsod sa programa ng pamahalaang lungsod na ‘Serbisyong Tama.’

Isinagawa kamakailan ang nasabing aktibidad sa Bulusan Nature Park Pavilion na kung saan ang mga residente ng Barangay Bulusan at Bondoc ang naserbisyuhan ng medikal at dental, pamimigay ng gamot, konsultasyon sa mata at usaping legal, pagkuha ng City Health Card, pamamahagi ng pananim, pagkuha ng PNP at Bureau of Fire clearance, at marami pang iba.

Kabilang din ang pagbibigay impormasyon para sa mga nais maging kasapi ng Senior Citizen, Persons with Disability (PWD), Solo Parent at iba pang sektor ng lipunan na kailangan ng suporta mula sa pamahalaan.