DAVAO CITY (PIA) – Gipasidunggan sa Pag-IBIG Fund ang 10 ka mga top developer, top collection agency, ug top government ug private employers sa tibook rehiyon sa Davao atol sa gipahigayon nga unang Stakeholders Accomplishment Reports (StAR) sa Davao City.
Gipahigayon ang maong pasidungog aron sa pag-ila sa mga dakong nahimo ug suporta sa mga stakeholder sa maong ahensya basi usab sa report sa Chairman sa Pag-IBIG Fund niadtong Marso 2023.
Niadtong sa tuig 2022, nakab-ot sa maong ahensya ang labing maayo nga performance tungod kay naabot niini ang taas nga net income nga ana sa P44.50 billion kon 28% increase sa P34.69 billion sa milabay'ng tuig, membership savings nga anaa sa P79.90 billion, samtang P117.85 billion ang loan releases, ug payment collections nga anaa sa P127.42 billion.
Matod pa ni Secretary Jose Rizalino L. Acuzar, kauban usab ang mga nangulo sa Human Settlements and Urban Developmnent (DHSUD), gi-mugna ang maong Pag-IBIG StAR dili lang sa pag-ila sa mga natampo apan sa pagpadayon usab sa pagtinabangay sa tanan alang sa katumanan sa panawagan ni Presidente Ferdinand Marcos, Jr. sa pag-uswag sa kinabuhi sa mga trabahanteng Pilipino.
Samtang ubay-ubay usab ang ihap sa mga miyembro nga natabangan sa Pag-IBIG Fund nga naka-angkon og bag-ong panimalay nga anaa sa 105,212 gikan sa mga programa sa pahulam sa pabalay niini ug kapin sa 2.61 ka milyon nga natabangan pinaagi sa mga short-term loan.
Gipasalamatan usab sa Pag-IBIG Fund CEO Marilene C. Acosta ang tanang mga stakeholder sa tibook Mindanao sama sa mga business community sa kanunay ug sayo nga pagbayad sa mga remittance sa ilang mga emplyeyado ug matag bulan na bayrunon sa loan, savings, kay sulod sa unang duha ka bulan niining tuiga, ang ahensya nagpadayon nga lig-on ang performance ug naningkamot nga padayon nga motaas pa ang membership savings collections, housing loan, ug takeout and loan payments. (PIA/ETIsidro with reports from Pag-IBIG)
