BACOLOD, Lanao del Norte (PIA) - - Gipasabot sa mga residente sa Barangay Mate  sa maong lungsod ang mga benepisyo ubos sa programang “Buhay Ingatan, Droga Ayawan” (BIDA) niadtong April 3, 2023.

Sa  16 ka mga barangay sa Bacolod, dose niini ang drug-cleared na ug duha ang unaffected.

"Amo man gud nakita nga importante man gud sya kaayo. Kinahanglan man gud nga ilaunch sa among barangay para ang mga katawhan pod makabalo pod sila. Ina ana jud ang ilang katuyuan kay tungod kay kita man gud dako ang tinguha nga kinahanglan ang ilegal drugs di jud makasulod sa among barangay," sumala ni  Barangay Mate chairperson Joel Bucol.

Apil sa gituki ang pagtabang sa mga drug user nga mabag-o ug ang kamahinungdanon sa paghatag og suporta sa komunidad ngadto sa mga malambigit sa iligal nga droga aron mahimong produktong miyembro sa komunidad.

Sumala sa local government unit sa Bacolod, adunay mga programa ang gobyerno alang sa mga apektado sa droga.

“Yung DSWD, nagbibigay sila ng pangkabuhayan , mga programa nila. Mga puhunan. Kung hindi sila nakatapos ng high school pwede sila pumasok sa ALS," sumala ni  Melanie Baciete, drug clearing focal person sa Bacolod.

 Samtang gibutyag ni Municipal Planning and Development Coordinator Engr. Buenafe Panoril Jr. nga  pinaagi sa ilang peace and order and public safety fund, ug  Anti-drug Abuse Council, nag-endorso ug resolution  nga mapondohon gyud sa munisipyo ang programa nga musuporta sa mga apektado sa droga.  

Atol sa programa sa BIDA, gilusad sab ang Halina't Magtanim ng Prutas at Gulay  program  sa gobyerno aron masiguro ang food security sa mga barangay. Nakadawat sab sila ug mga liso sa gulay ug prutas  aron itanom sa ilang komunidad. (LELA/PIA-10/Lanao del Norte)