LUNGSOD NG CALAPAN, Oriental Mindoro (PIA) – Inilunsad kamakailan ng Department of Health (DOH) Mimaropa sa bayan ng Naujan ang programang "Chikiting Ligtas 2023 – Measles, Rubella and Oral Polio Vaccine (MR-OPV)’ supplemental immunization activity kontra polio, rubella at tigdas para sa mga bata na 0-59 buwan o limang taong gulang pababa na magsisilbing proteksiyon habang sila’y lumalaki.

Sinabi ni Nurse V, Brian H. Mascariñang na kumatawan kay DOH Mimaropa Regional Director Dr. Mario S. Baquilod na “mas magiging ligtas ang lahat ng bata kung sila ay mabibigyan ng bakuna at amin din itong sinisiguro na ito ay ligtas at epektibo dahil 40 taon na ginagawa ito ng kagawaran sa buong bansa.”

Samantala, suportado din ng pamahalaang panlalawigan ang naturang aktibidad sa pangunguna ni Gob. Humerlito Dolor kasama si PHO Officer Dr. Cielo Angela Ante, PDOHO Dr. Ramon Bombais, OMPH Pediatrics Department  Medical Specialist, Dr. Shalom Lois Ibañez, Municipal Health Officer Dr. Mary Jean Manalo at iba pang mga kinatawan na may kinalaman sa kalusugan. (DN/PIA-Mimaropa/OrMin/NaujanPIO)