CEBU CITY, Cebu April 28 (PIA) -- Ang Department of Tourism pinaagi sa Tourism Promotions Board Philippines mopahigayon sa labing unang Philippines Digital Travel Fair.
Kini usa ka stand-alone consumer travel event alang sa mga potensyal nga travelers sa Asya.
Isip usa ka online travel expo kini adunay tumong sa pagpromote sa Pilipinas isip usa ka madanihon nga destinasyon alang sa mga turista.
Ang virtual travel fair magpakita usab sa mga nagkalain-laing negosyo ug destinasyon nga may kalabotan sa turismo sa nasud, lakip na ang mga hotel, resort, travel agencies, tour operators, ug airlines.
Mahimong ipakita sa mga partisipante sa maong travel fair ang ilang mga produkto ug serbisyo ubos sa usa ka digital fair platform pinaagi sa pagtanyag ug espesyal nga mga deals ug discounts ngadto sa ilang mga potensyal nga kustomer.
Samtang, ang DOT-7 nag-imbitar sa tanang DOT-accredited nga tourism establishments sa Central Visayas sa pag-apil sa nahisgutang aktibidad.
“We are encouraging all DOT-accredited tourism establishment in the region to join in the Philippines Digital Travel Fair as it is a good and cost-efficient platform for the tourism and travel stakeholders to take advantage of especially in marketing and promoting their properties, services, and activities,
Among giawhag ang tanang DOT-accredited nga tourism establishment sa rehiyon sa pag-apil sa Philippines Digital Travel Fair tungod kay kini usa ka maayo ug cost-efficient nga plataporma aron mapahimuslan sa mga stakeholders sa turismo ug sa pagbiyahe ilabina sa pagpamaligya ug pagpasiugda sa ilang mga kabtangan, serbisyo, ug mga kalihokan)” kini matod ni DOT-7 Senior Tourism Operations Officer Riza Marie Macaibay atol sa gipahigayon nga press conference niadtong Abril 27.
Gawas sa Pilipinas, adunay usay Digital Travel Fair nga ipahigayon sa ulahing bahin niining tuiga didto sa Malaysia, Singapore, ug Hongkong.
Ang Philippines Digital Travel Fair inisyatiba nga gimugna sa Department of Tourism sa pakigtambayayong sa Unique Event and Exhibition Pte Ltd. ug Tourism Promotions Board Philippines. (RGC/PIA7 Cebu)
