Sinundan ito ng isang programa sa pangunguna ng Department of Education-Palawan.
Umabot sa 22 munisipyo sa lalawigan ang nakiisa dito upang magtagisan sa iba’t-ibang sports events at tanging ang bayan ng Kalayaan lamang ang walang delegasyon sa nasabing palaro.
Ang mga magsisipagwaging mga atleta ang siya namang kakatawan sa delegasyon ng Palawan para sa MIMAROPA Regional Athletic Association Meet na gaganapin sa Romblon.
Sa panayam kay Bataraza Mayor Abraham Ibba, naglaan ang lokal na pamahalaan ng Bataraza ng halagang P11 milyon para sa nasabing palaro, habang P7 milyon naman ang ambag ng pamahalaang panlalawigan ng Palawan.
