TAGBILARAN CITY, Bohol, May 12 (PIA) -- Ang National Privacy Commission (NPC) ug ang mga nag-unang kompanya sa telekomunikasyon (telcos) sa nasud milagda og usa ka memorandum of understanding (MOU) aron magtinabangay sa pagsiguro sa pagpanalipod sa datos ug pakigbatok sa digital fraud ug uban pa'ng cybercrimes.

Sa usa ka pahayag niadtong Huwebes, ang NPC nagkanayon nga ang MOU gilagdaan niadtong Miyerkules, Mayo 10, ni Privacy Commissioner John Henry Naga, DITO Telecommunity representative Adel Tamano, Globe Telecom representative Irish Krystle Salandanan-Almeida, ug Smart Communications representative Leah Camilla Jimenez.

“By virtue of the memorandum, a joint task force is established to foster coordination, communication, and implementation of the parties’ respective obligations regarding data privacy and protection, with NPC serving as the Secretariat,” base sa nakalatid sa MOU.

Ang hiniusang task force motrabaho usab ngadto sa capacity-building, knowledge-sharing, ug pagpakusog sa anti-fraud nga mga lakang pinaagi sa usa ka “joint information dissemination campaign” aron sa pag-edukar sa publiko bahin sa kasamtangan nga fraudulent schemes ug unsaon pagreport niini.

Matud pa nga ang kolaborasyon tali sa NPC ug telcos, pinaagi sa MOU, usa ka tubag sa dinalian nga panginahanglan sa pagpanalipod sa pribasiya ug seguridad sa datos sa publiko, labi na batok sa pagkaylap sa mga malimbungon nga laraw sama sa gipunting nga smishing nga mga mensahe.

Si Naga nagkanayon nga ang MOU maghimo usab og “more dynamic relationship” tali sa gobyerno ug sa mga telcos.

Giingong pinaagi sa pagtinabangay niining paningkamot, epektibo nga mapauswag ang kamahinungdanon sa pagsiguro nga ang personal nga datos luwas ug ang mga sangputanan sa pagkapakyas sa pagbuhat sa ingon. (ECB/PIA7 Bohol)