LUNGSOD PASIG, (PIA) -- Balik normal na ang operasyon sa LRT-2 matapos maantala ang operasyon nito dahil sa naganap na sunog malapit sa Recto Station kamakailan.

Nitong Linggo ng hapon, Mayo 14, inanunsyo ng Light Rail Transit Authority (LRTA) na balik normal na ang operasyon ng LRT-2, mula Recto Station hanggang Antipolo Station, at pabalik.

Pansamantalang nagpatupad ng provisionary service ang LRTA dahil sa naganap na sunog.

Samantala, ayon pa rin sa LRTA, hindi pa rin maaaring daanan ang connecting bridge mula Recto Station papuntang LRT-1 Doroteo Jose Station.

Paalala ng LRTA sa mga pasahero, sa ibaba o sa kalsada muna dumaan habang isinasaayos pa ang naturang tulay. (LRTA/PIA-NCR)