LUNGSOD NG CALAPAN, Oriental Mindoro (PIA) -- Nananatiling mababa ang mga bagong kaso ng COVID-19 sa lalawigan ayon sa pinakahuling datos na inilabas ng Oriental Mindoro Provincial Health Office (PHO).

Ang kabuuang aktibong kaso ng Covid-19 ay nasa 49 para sa taong 2023. Mula sa bilang na ito, lima  ang kumpirmadong bagong kaso sa mga isinagawang laboratory tests.

Mula sa nabanggit na kumpirmadong kaso, dalawa ang mula sa bayan ng Naujan, isa sa Lungsod ng Calapan, isa sa bayan ng Victoria, at isa rin mula sa bayan ng Pinamalayan.

Pinakamalaking bilang dito ang asymptomatic cases kung saan umabot ng 34% ng kabuoang aktibong kaso. Samantala, limang porsyento lamang ang naitalang severe cases.