DAKBAYAN SA MARAWI, Lanao del Sur (PIA) -- Giinagurahan sa Task Force Bangon Marawi (TFBM) uban ang Lokal nga Pangagamhanan sa Marawi ang Masjid Dansalan, Mayo. 17. 

Mailhan kaniadto nga Bato Ali mosque, nagsilbi kini nga usa sa mga kuta sa grupo sa DI-Maute ug ang lugar diin ang mga hostage gitago sa panahon sa lima ka bulan nga siege.

Tungod kay ang TFBM nagtuo nga ang pag-rehabilitate sa mga apektadong mosque importante sa social healing sa mga Maranao, nangita kini og mga donor aron pondohan ang pagtukod ug pag-ayo sa naguba simbahan sa mga Muslim.

"This historical event brings meaning to our Muslim brothers and sisters for finally a place where all people rekindle their spirituality, strengthen their relationship with their Creator, meet their Muslim brethren, and renew their sense of belonging is now majestically standing right in this very ground, in this historic place, Dansalan," matod ni Sultan Nasser Sampaco, ang mosque administrator ug chairperson sa Marawi Sultanate League.

Gihatagan usab niya og gibug-aton nga ang paghuman sa Masjid Dansalan bunga sa panagtambayayong tali sa kagamhanan sa dakbayan sa Marawi ug sa kanhi kalihim sa Department of Human Settlements and Urban Development ug TFBM chairperson, Eduardo Del Rosario.

"On behalf of the 23 Sultans of Dansalan, we are expressing our heartfelt gratitude to those who have contributed their efforts in rebuilding this important religious project," dugang pa ni Sampaco.

Ang inagurasyon gipangunahan ni TFBM Deputy Head Secretariat Raymond Cajayon, TFBM Field Office Project Manager Felix Castro Jr., ug Marawi Mayor Majul Gandamra. Gisaksihan usab kini sa mga Sultan sa Dansalan lakip na si city administrator Sultan Camid Gandamra Sr. ug Sultan Bato Ali Jr. (PIA-10 Lanao del Sur)