MALAYBALAY CITY (PIA)--Gi-awhag ni Department of Health Undersecretary Dr. Kenneth G. Ronquillo ang tanang mga ginikanan nga pabakunahan ang ilang mga anak atol sa gipahigayong launching sa "Chikiting Ligtas" sa Malaybalay City niadtong unang semana sa Mayo ning tuiga. 

Ang Oral Polio Vaccine para sa mga bata nga nag-edad zero hangtud 59 ka bulan. Ang bakuna sa Measles ug Rubella usab alang sa mga bata nga nag-edad siyam hangtud 59 ka bulan.  

Sumala ni DOH Undersecretary Dr. Kenneth G. Ronquillo, ang sakit nga Measles, Rubella ug Polio makatakod ug posibleng mo-resulta sa kamatayon.  

"Ang Measles ay nakakahawa, maraming complications ang nabibigay ng Measles gaya ng ear infections at pneumonia. Meron ding pamamaga ng utak at nakakabulag din yan. Itong Polio, nagkakaroon ng paralysis ang isang tao because it affects our spinal nerve,”matud ni Ronquillo.  

Gi-anunsyo usab niya nga dili na pana-panahon ang sakit nga Rubella o Tipdas, tungod kay sugod sa tuig 2018 hangtud 2022 mikabat sa tres milyones (3 Million) ka mga bata nga nag-edad lima ka tuig paubos ang nataptan sa sakit nga Tipdas.  

"Ang Rubella o 'Tigdas-hangin' kung tawagin, ay nakakaapekto sa mga buntis dahil pwedeng mawala ang bata na nasa sinapupunan. Ayaw nating mangyari yan,” dugang sa DOH Undersecretary.  

Samtang gipasalig usab ni Ronquillo nga segurado ug luwas ang bakuna tungod kay kini maoy ginagamit sa DOH nga bakuna sulod sa 40 na ka tuig.  

"We've been using these vaccines for over 40 years now. These are assured to be safe. Ang mga bakunang ito ang kailangan natin. Walang ibang gamot ang mga sakit na ito kundi itong bakuna lang," matud ni Ronquillo. (BGEpan/PIA-Bukidnon)