NUNUNGAN, Lanao del Norte (PIA)--Gibisita ni League of Municipalities of the Philippines (LMP) Vice President for External Affairs Mayor Marcos Mamay ang mga distressed Overseas Filipino Workers (OFWs) nga miadto sa Philippine Embassy sa United Arab Emirates (UAE) aron mangayo og tabang.
Gidayeg ni Philippine Ambassador Alfonso Ferdinand Ver ang iyang pagbisita nga nagpakita sa solidarity.
Giduaw ni Mamay ang mga OFW aron lig-onon ang ilang hunahuna nga makalahutay sila sa ilang paningkamot alang sa pamilya. Naghatag pud og mga in-kind items ug financial assistance ang opisyal.
Lain-lain ang mga rason sa likod sa sitwasyon sa mga OFW. Ang uban nila naay problema sa ilang amo, ug nalahi ang ilang actual nga trabaho sa ilang gipirmahan nga kontrata. Busa, nangayo silag tabang sa Philippine Embassy.
"As part of my advocacies, being the National VP for LMP, we have to do our obligation. This is to boost the morale of OFWs, and uplift their spirits to help them in one way or another,” sumala ni Mamay.
Samtang, gipadayon sab sa Dubai ang shooting para sa bio-pic film nga “Mamay: the Great Man of Nunungan, Lanao del Norte” diin ipakita ang mga kasinati-an sa mayor isip religious missionary.
Ang pelikula mahimong inpirasyon sa publiko nga dili babag sa kalampusan ang pagkapobre. Ang pelikula naka-schedule nga i-pasalida karong tuig.
Gi-imbitahan sab ni Mamay ang publiko sa pagsaksi sa opisyal nga deklarasyon sa Mt. Inayawan Range Natural Park isip Association of Southeast Asian Nations (ASEAN) Heritage Park karong umaabot Hunyo 28. Mao kini ang ikapulo nga giila nga ASEAN Heritage Park sa nasud.
Nagpasalamat usab si Mamay sa national ug provincial government, ug kang kanhi 2nd District Representative Abdullah Dimaporo, sa iyang mga paningkamot sa pag-approve sa aplikasyon aron mahimong ASEAN Heritage site. (LELA/PIA-10/Lanao del Norte)
