ILIGAN CITY (PIA)--Kapin 100 ka mga pamilya sa Sitio Upper Paitan, Barangay Dalipuga, usa ka hilit nga lugar niining lungsod ang nakabenepisyo sa community outreach program nga gipanguluhan sa Ciity Police Office (CPO) ug ang Rotary Club of Iligan Maria Cristina.
Ang mga residente nakadawat og knapsack sprayers, weighing scale, balde, sports equipment, ug bisan mga kanding alang sa ilang panginabuhian. Nakadwat sab sila og mga tsinelas, seedlings, food packs. Aduna sab gipahigayon nga libreng tuli ug alot, ug medical, ug dental check-up.
Malipayon si Sheryl Espitoño, usa ka residente, sa ilang mga nadawat nga dakong tabang kanila.
"Nalipay mi kay nakaavail mi ani nga mga higayuna, mga panghatag sa gobyerno ba. Dako jud siya nga tabang kay masave ang pila ka adlaw namong pagkaon," sumala niya.
Samtang, sumala ni PCol Elias D. Hampac, hepe sa Regional Community Affairs and Development Division-10, koitado sila sa paghatag og dekalidad nga tabang sa ubang mga barangay pinaagi sa outreach program.
"Kini nga barangay isa sa napili sa atong kapulisan, gipangulohan sa'tong city director nga kini mahatagan og programa. Kining PNP outreach program nga diin gipaahom usab kini siya sa Executive No. 70 kon ang National Task Force to End Local Communist Armed Conflict," sumala niya.
Matod pud ni Lorry Gabule sa Rotary Club of Iligan Maria Cristina, ilang misyon sa ilang grupo ang maghatag og serbisyo ngadto sa mgananginahanglan og tabang.
"Nalipay kay mi to give service kay ang among motto is service above self. Usahay gikan gyud sa among bulsa ang among paghatag. Kinasing-kasing gyud na siya nga pagkuha namo'g gamay'ng ikahatag sa pagpalit sa mga kinahanglanon," sumala ni Gabule. (LELA/PIA-10/Lanao del Norte)
