CORTES, Bohol, May 23 (PIA) -- Ipadayon sa Bohol Provincial Police Office (BPPO) ang pagpadaghan sa presensya sa kapolisan sa kadalanan, pagpakigsabut alang sa mga police operations batok sa kriminalidad ug pagpahingusog pa ja pagpakig-alayon sa mga tinugyanan aron makabuylo na sa barangay drug clearing operations.
Kini ang ilang gisaad samtang namatikdan sa mga tinugyanan ang dyutay nga pagsaka sa mga kaso sa kriminalidad, hinuon, gipasalig ni Police Senior Superintendent Lorenzo Batuan nga kini, anaa pa sa manageable level.
Sa ilang taho ngadto sa Provincial Peace and Order Council (PPOC) sa iyang regular nga tigum, Mayor 16 gipakita sa kapolisan ang comparative crime incident report nga nagpakita sa kinatibuk-ang hulagway sa mga insedente sa kahapsay ug kalinaw sa Bohol sa mga tuig 2022 ug sa 2023.
Sa pagtandi, gikan sa Enero 1 ngadto sa Mayo 15 sa 2022 batok sa susama nga higayon sa 2023, napakita ang 2.03% nga kinatibuk-ang pagsaka sa kaso sa krimen.
Pananglitan, sa Enero 10 Mayo 15 21 2022 kon itandi sa susamang panahon sa 2023, ang mga nagtutok sa estadistika sa Camp Francisco Dagohoy nakakita sa 8.9% nga pagsaka sa mga kaso sa kahapsay ug kalinaw, samtang sa susamang higayon, namatikdan usab ang pagkanaug sa total public safety incidents sa 2022.
Sa 2022, ang public safety incidents miabut sa 1,153 samtang sa 2023’s 1,113, o 3.47% nga pagkanaug samga insidente niining tuiga.
Sa index crimes, o kadtong mga krimen nga taralon gamit ang Revised Penal Code, sa 2022, miabut sa 261 ang natala nga kaso sa krimen, 12 ka kaso ang labaw ning tuiga nga may 273 ka kaso ang natala.
Napakita niini ang 4.6% nga saka sa kaso.
Sa non-index crimes o kadtong taralon gamit ang mga special laws, mas taas ang namatikdan nga [pagsaka sa kaso kay mingabut na sa 70 ka kaso ang labaw ning tuiga o 10.61% nga pagsaka.
Pagsumada sa kinatibuk-ang index ug non-index crimes sa 2022, kini ming-abut sa 921 samtang sa 2023, napun-an pa kini brings og 82 ka kaso, 0 8.9% nga pagsulbong.
Sa laing bahin, hasta ang crime clearance efficiency sa kapolisan, gitaho sa BPPO ang susamang pagkunhod sa mga kaso nga cleared, gikan sa 92.29 sa 2022 ngadto na sa 88.66% sa 2023.
Segun sa kapolisan, ang kaso isipon nga nga cleared kon ang mga imbestigador sa kapolisann, may natumbok na ng a gikatahapan, apan wala pa makadakop niini, kay nangita pag saktong tyempo ug nagdugang pa sa mga edidensya aron makapagawas sa mandu sa pagsikop.
Sa laing bahin, sa Crime Solution Efficiency, gikan sa 99.52% sa 2022, migamay usab ang kapaektibo sa kapolisan kay namenosan og 3.11 % mao nga naan a kin isa 96.41 niining 2023, matud sa BPPO.
Tungod niini, ang BPPO pinaagi ni Col Batuan mibutyag nga ilang ipatuman ang innovative nga Station Unified Performance Evaluation Rating (SUPER) ug Chief of Police Operational Performance Scorecard (COPS), aron aghaton ang mga station commanders sa pagpangulo sa iyang team nga manggawas sa presinto aron makit-an sa gawas, ug mahimong magpanuko na ang mga criminal nga magbinuang.
Naglaum ang Campo Dagohoy nga kini maoy magpadaghan sa opurtunidad sa pagpatuman sa mga balaod ug ordinansa ug mopatuman sa mga flagship programs sa kapolisan, dungan sa hiniusang simultaneous anti-crime law enforcement operations. (RAHC/PIA7 Bohol)
