Giingon ni DepEd Regional Director Allan Farnazo na lakip sa tumong sa programa mao ang pagtangtang sa mga regional ug division offices sa mga dili angay nga reklamo.

“I hope we can declog all the complaints that are misplaced, not proper and the content is not in accordance with our prescribed rules,” matod ni Farnazo.

Apil sa mga gihisgutan sa caravan ang Department Orders No. 35 ug 49, nga gilangkuban sa makinarya sa pagreklamo sa DepEd, mga balaod ug pamaagi sa administratibong mga kaso. Gihisgutan usab sa mga legal officer ang Republic Act 11032 kon ang Ease of Doing Business Act, apil na ang 8888 Citizen’s Complaint Center.

Gipahingusgan sa bag-ong schools division superintendent sa Deped Davao de Oro nga si Cristy Epe ang pagpanginahanglan nga makabalo ang mga school head kon unsaon ang tamang proseso sa pagpanag-iya sa yuta alang sa eskwelahan.

“We lose property because we were not properly trained nor were able to represent our schools well; because (also), there hasn’t been any legal consultant item in the Department of Education,” pagsubay ni Epe.

Gihisgutan usab sa caravan ang mga reklamo gawas sa hurisdiksyon sa DepEd, mga balaod nga nagdumala sa part time nga pagtudlo/trabaho, ug Republic Act 6713 kon ang Code of Conduct and Ethical Standards for Public officials and employees. (PIA Davao de Oro/JMFE/MLU)