LUNGSOD PASIG, (PIA) -- Magandang balita!
Sa pagdiriwang ng ika-125 Anibersaryo ng Araw ng Kalayaan ng Pilipinas, handog ng pamunuan ng LRT-1, LRT-2, at MRT-3 ang Libreng Sakay sa Lunes, June 12, 2023.
Ang libreng sakay sa mga light rail transits ay mula 7:00 ng umaga hanggang 9:00 ng umaga, at mula 5:00 ng hapon mula 7:00 ng gabi.



Ang LRT-1 ay may biyahe mula Baclaran Station hanggang Roosevelt Station, at balikan. Ang LRT-2 naman ay bumibyahe mula Antipolo Station hanggang Recto Station, at balikan. Samantala, ang MRT-3 naman ay bumibyahe sa kahabaan ng EDSA, mula Taft Avenue Station hanggang North Avenue Station, at balikan.
Para sa taong ito, ang tema ng pagdiriwang ng Araw ng Kalayaan ay “Kalayaan. Kinabukasan. Kasaysayan.” (PIA-NCR)