TUGUEGARAO CITY, Cagayan (PIA) - - Gumukak ta 40 i aktivo nga COVID-19 cases ta siyudad na Tuguegarao kagabi, Hunyo 8, maggafu ta 54 nga nelista kustu Hunyo 6.

Segun yaw ta nelawan na bagu nga update na Tuguegarao City Health Office.

Maraddamman nga sesenu mangana nga nattullu kustu Abril y kaso na COVID-19 ta siyudad, nga yayya ay nakwa kanu ta aktividad ira na Semana Santa sangaw ragun. 

Ta pattullu na kaso ira ay pinarulo gapa ni Tuguegarao Mayor Maila Ting-Que y pattoli na pangusa ta face mask ira netallugaring ta lagum na publiko nga lugar ira kagitta na mall, tyenda, iskwela, anna ofisina ira.

Yaw nga dob ay namegafu kustu Hunyo 7 anna magadde ta Hunyo 21.

Segun sa, maddagun adde sangaw y pabbakuna para ta walk-in patients ta City Health Office mamegafu kada Lunes adde ta Biernes.

Sinabarangngan na gapa y residente ira nga magimmuguk ang magginnuruffun tapenu maffugaddan y pawwara lallagu na taki. (JKC/PIA-Region 2/Tuguegarao City Information Office/Mayor Maila Ting-Que FB Page)