No. of :

No. of Shares:

Currently viewed by: Marcus Rosit

  1. Home
  2. News
  3. ‘BIDA’ ginasunod mga layi, kinamatarong kang katawhan

‘BIDA’ ginasunod mga layi, kinamatarong kang katawhan

Write a comment

Delete

SAN JOSE, Antique (PIA) -- Ginhambal kang Department of the Interior and Local Government (DILG) nga ang national anti-illegal drugs campaign nga “BIDA” ukon “Buhay Ingatan, Droga’y Ayawan” Program ginasunod ang mga layi kag kinamatarong kang katawhan.

Hambal ni DILG Antique Provincial Director John Ace A. Azarcon, ang BIDA program nakasandig sa direktiba ni Presidente Ferdinand Marcos, Jr. nga padayunon ang kampanya kontra iligal nga droga nga may respeto sa layi kag dignidad kang sangka indibidwal.

Delete

Dya madab-ot paagi sa pag-implementar kang BIDA Strategy Framework nga ginalakipan kang Prevention kag Health Promotion; Law Enforcement; kag Penology, Rehabilitation, kag Reintegration.


Sa rehabilitisasyon nga aspeto kang programa, ginhambal ni Azarcon nga ang BIDA program tuyo tugruan kang nagakaigo nga bulig ang mga nagagamit kag nagabaligya kang iligal nga droga, kapin pa nga ang dya nga problema nagakinahanglan kang nagkalain-lain nga solusyon.

Delete

Sa kabilugan, tuyo kang BIDA nga i-improbar ang kalidad kang pagpangabuhi kang mga Pilipino kag proteksyonan ang mga komunidad sa kahalitan nga dara kang iligal nga droga nga nagabalabag sa pag-umwad kang pungsod.

Dugang pa kang opisyal, mangin mabinungahon ang programa kung may bahol nga partisipasyon ang mga lokal nga gobyerno paagi sa tayuyon nga mga programa kag proyekto nga may kaangtanan sa BIDA.

Delete

Kahapon, Hunyo 13, opisyal nga ginlunsar sa Antique ang BIDA program sa pagpanguna kang Peace, Order, and Public Safety (POPS) Office kang gobyerno probinsyal kag Department of the Interior and Local Government (DILG).

Kaimaw kang gobyerno probinsyal kag DILG sa dya nga lihok ang pira pa ka mga ahensya kaangay kang Philippine National Police (PNP), Philippine Drug Enforcement Agency (PDEA), Department of Education (DepEd), Bureau of Fire Protection (BFP), kag Bureau of Jail Management and Penology (BJMP).

Delete

Base sa report kang Antique Police Provincial Office (APPO) kang 2022, 588 sa 590 ka mga barangay sa probinsya ang “certified cleared” kang PDEA, kung sa diin 279 ang “drug cleared” kag 309 ang “certified unaffected.” (AGP/BPS/PIA Antique)

About the Author

Bernard Ceasar Susbilla

Information Officer

Region 6

Electronics Engineer/Writer

Related News

Feedback / Comment

Get in touch