TUGUEGARAO CITY, Cagayan (PIA) - - Navvuka nga kustu Liggu, meka-18 na Hunyo y Raphael General Hospital nga yayya ay bag-bagu nga ospital taw nga siyudad.

Yuri nga ospital ay maddyan ta Bagay Road ta Barangay Atulayan Sur nga yayya ay pammagurayan na Medical Director da nga si Joseph Richard Guzman, MD, MHA.

Nagatende mismu y gobernador na Cagayan nga si Manuel N. Mamba anna si Tuguegarao Mayor Maila Ting-Que ta seremonya na pavvuka nuri nga ospital.

Megafu ta sentro na komersyo y Tuguegarao City, naduduruma nga modernu nga ospital ira y maddyan taw, kagitta na Cagayan Valley Medical Center, Tuguearao City People's General Hospital, Dr. Ronald P. Guzman Medical Center, Saint Paul Hospital Tuguegarao, Divine Mercy Hospital, Holy Infant Hospital, Cagayan United Doctors Medical Center of Tuguegarao City, Inc, anna Dr. Domingo S. De Leon General Hospital. (JKC/MDCT/PIA-Region 2)