SAN JOSE, Antique (PIA) -- Ang Bureau of Jail Management and Penology (BJMP) nagpasalamat sa mga suporta nga anda nabaton para sa mga Persons Deprived of Liberty (PDLs) nga naditinir sa San Jose kag Culasi District Jail.

Si Jail Inspector Josue Ma. R. Estorque, sa sangka hinun-anon, naghambal nga ang importante nga hirikuton kang BJMP amo ang pagpasiguro nga mapatigayon ang restorative justice para sa mga PDL, gani kinahanglan nga maghimo kang mga lihuk para sa anda kaaraydan.

para sa mga PDL kag jail officers halin sa Department of Science and Technology (DOST).

Sa bahin naman ka papel ka BJMP sa bag-o lamang ginlunsad nga BIDA (Buhay Ingatan, Droga’y Ayawan) program, si Estorque nagpasiguro nga anda padayunon ang anda ginahimo para indi magsulod ang iligal nga droga sa mga prisohan.

Sa kabilogan nga 120 ka mga priso sa San Jose District Jail, 17 kadya ang may kaso sa iligal nga droga samtang sa Culasi District Jail, isara gid lamang sa kabilogan nga 59 ka mga priso.

Ana man ginhambal ang regular kag surpresa nga “Operation Greyhound" kaimaw ang iban nga ahensya kang gobyerno parehas kang Philippine Drug Enforcement Agency (PDEA) kag Philippine National Police (PNP) para mapasiguro nga indi magsulod ang droga sa mga selda kang priso.

Ang Antique BJMP nagpahayag man kang random drug testing nga ginahimo sa mga PDLs kag jail personnel sa Culasi kag San Jose District jails. (AGP/PSM/PIA Antique)